Сенат кулуарында Еңбек және халықты әлеуметтік қорғау вице-министрі, төрт баланың әкесі Асқарбек Ертаев отбасының айлық шығыны туралы айтып берді, деп хабарлайды KAZ.NUR.KZ тілшісі.

"Төрт баламыз бар, екеуі ересек, олар жұмыс істейді, екеуі қамқорлығымызда. Кіші ұлымыз әлі балабақшада болғандықтан әйелім жұмыс істемейді. Орташа есеппен, мен сізге шамамен айтайын, өйткені біз азық-түлікке және т.б. қанша ақша жұмсайтынымызды білемін — 500 000-600 000 теңге. Оның ішінде білім беру, балабақша, оның қанша тұратынын білесіздер және қызым сабақтан тыс үйірмелерге қатысады. Отбасымыздың қажеттілігін ескерсек, 500-600 мың теңге", — деді вице-министр Асқарбек Ертаев.

Журналистер шенеуніктен жалақысының мөлшерін сұрады.

"Біздің жалақымыз үкімет қаулысымен реттеледі; ол (бұл ақпарат – ред. ескертпесі) тек ресми түрде пайдалануға арналған және бәріне қолжетімді емес. Жазбаша түрде сұрасаңыз, жазбаша жауап беремін", — деп жауап берді Ертаев.

Мәтіннен қате тапсаңыз, бізге жазыңыз