Компанияның қаржы жөніндегі атқарушы директоры Ибрахим Жанлыел Бас атқарушы директор қызметіне тағайындалады.

"Эйр Астана" АҚ Директорлар кеңесі Питер Фостер 2026 жылдың наурызының соңында Бас атқарушы директор және Директорлар кеңесінің мүшесі қызметтерінен кететінін хабарлады.

"Питер Фостер Компаниямен байланысын сақтап, Директорлар кеңесінің аға кеңесшісі ретінде өз қызметін жалғастырады. Қаржы жөніндегі атқарушы директор Ибрахим Жанлыел осы кезеңде Бас атқарушы директор қызметіне тағайындалады", – делінген ресми хабарламада.

Директорлар кеңесі Ибрахим Жанлыелдің Бас атқарушы директор қызметіне тағайындалуын құпатаған.

Мырза Жанлыел 2003 жылдан бері Air Astana тобының құрамында жұмыс істеп келеді: бастапқыда коммерциялық бағыттағы басшылық қызметтерді атқарып, 2017 жылдан бері қаржы жөніндегі атқарушы директоры лауазымын атқарып келеді.