Жамбыл облысы полиция департаментінің бастығы болып Қайсар Сұлтанбаев тағайындалды. Бұл туралы өңірлік полиция департаментіне сілтеме жасаған KAZ.NUR.KZ хабарлайды.

"ҚР Президенті әкімшілігінің келісімі бойынша ішкі істер министрінің бұйрығымен Жамбыл облысы полиция департаментінің бастығы болып Қайсар Әбілекұлы Сұлтанбаев тағайындалды", — делінген хабарламада.

Жаңа ПД бастығын жеке құрамға ішкі істер министрінің орынбасары Игорь Лепеха және Жамбыл облысының әкімі Ербол Қарашөкеев таныстырған.

Қайсар Сұлтанбаев ішкі істер органдарында 1990 жылдан бері қызмет етеді. Әр жылдары Батыс Қазақстан, Жамбыл, Қарағанды және Қостанай облыстарында басшылық қызметтер атқарған.

Сондай-ақ Қазақстан Республикасы Ішкі істер министрлігі комитетінің және департамент бастығы болған.

Айта кетелік, бұған дейін Жамбыл облысы полиция департаментін Бақытжан Малыбаев басқарды. Ол жақында өз өтініші бойынша қызметінен кетті.

Посмотреть эту публикацию в Instagram

Публикация от ЖАМБЫЛ ОБЛЫСЫНЫҢ ПОЛИЦИЯ ДЕПАРТАМЕНТІ (@zhambyl_police)

Мәтіннен қате тапсаңыз, бізге жазыңыз