Алматыда ағаш көшеттерін тегін алып, аулаңызды жасыл аймаққа айналдыруыңызға болады. Қалада "Жасыл аула" акциясына өтінімдер қабылдау басталды, деп Алматы әкімдігінің ресми арнасына сілтеме жасаған KAZ.NUR.KZ.

"Алматы қаласының Экология және қоршаған орта басқармасы көпқабатты үйлердің тұрғындарын аула көгалдандыру акциясына қатысуға шақырады", — делінген Алматы әкімдігінің ресми арнасындағы хабарламада.

Ағаш көшеттерін тегін алуға өтінімдерді қабылдау мерзімі: 2025 жылғы 12 қазанға дейін

Көшеттер тарату уақыты мен орны: 2025 жылғы 18–19 қазан, Алматы қаласы, Т. Рысқұлов көшесі, 1/1 (Eco Almaty ЖШС аумағында)

Қатысу үшін өтінімді [email protected] электронды поштасына жіберу қажет.

Өтінімде мыналар көрсетілуге тиіс:

• Аты-жөні, байланыс деректері және көшеттер отырғызылатын мекенжай
• Көшеттерді отырғызу жоспарланған жердің фотосы (мүмкіндігінше панорамалық)
• Көшет саны

Бір қатысушыға 20 көшетке дейін беріледі. Қатысушы ағаштарға 3 жыл бойы күтім жасау жөнінде кепілдік хатқа қол қояды.

Егілген ағаштардың фотоесебін жіберу қажет.

Қосымша ақпарат: +7 778 382 60 01, +7 727 338 31 06 (жұмыс күндері, сағат 9:00–18:00).

Акцияға жеке тұрғын үй секторының тұрғындары, Алматы облысының тұрғындары мен заңды тұлғалар қатыса алмайды.

Мәтіннен қате тапсаңыз, бізге жазыңыз