Қазақ эстрадасының дара таланты, композитор, орындаушы, көпдеген әндердің авторы Ғазизхан Шекербеков "Қызық Times бағдарламасының" жаңа қонағы болды. Бұл шығарылым көрерменге тек музыка емес, терең ой мен өнердің шынайы құндылығын жеткізді., деп хабарлайды KAZ.NUR.KZ.

Бағдарлама ерекше форматта басталды. Ғазизхан студия сахнасына көтеріліп, көрерменге жақсы таныс "Мен сүйсем, сүйемін" әнін орындады. Жанды дауыстағы әсерлі орындау залды толқытты, ал әншінің сахнадағы сенімді болмысы көрерменнің ықыласын бірден баурап алды.

Ғазизхан Шекербеков — жанды дауыста концерт беруді алғаш қолға алған орындаушылардың бірі. Ол эстрададағы техникалық жеңілдіктерге сүйенбей, нағыз өнер мен шынайы эмоцияны басты орынға қояды. Осы бағыттағы еңбегімен ол тыңдарманның ерекше құрметіне ие болып келеді.

Сұхбат барысында Ғазизхан өз шығармашылық жолының жаңа бағыты жайында да ашық айтты. Ол кино саласына қадам басу – көптен бергі арманы екенін бөлісті. Музыкамен қатар актёрлік өнерге қызығушылығы зор екенін айтып, болашақта экранда жаңа қырынан көрінуге ниетті екенін жеткізді. Осы әңгімеден кейін студияда ерекше әсер қалдырған «Алдаған Арман» әні шырқалды.

Бағдарламаның келесі бөлігінде Ғазизхан өзінің ең танымал туындыларының бірі — "Біздің кез" әнін орындады. Бұл ән арқылы ол тыңдарманды өткен шақтың естелігіне жетелеп, жастық шағының шынайы естеліктерімен бөлісті.

Одан кейін студияда көңілді атмосфера орнады. Ғазизхан дәстүрлі ләңгі тебу сайысын бастады. Бұл ойынға жүргізушілер Марат Оралғазин мен Еркебұлан Мырзабек те қосылып, сахнада өзара бәсекеге түсті. Бағдарламаның бұл бөлігі көрерменге жылулық пен күлкі сыйлап, шығармашылық атмосфераны одан әрі жандандырды.

Музыкалық бөлімде Ғазизхан өзінің репертуарындағы сүйікті әндерін орындады: "Байқа", "Сезім үшін", "Екі жанбыз", және "Мен сені сағындым". Әсіресе соңғы әннің шығу тарихы мен кімге арналғаны туралы бөліскен сәт – көрермен жүрегіне тікелей әсер етті. Бұл ән – оның шығармашылығындағы ең жеке, ең эмоционалды туындылардың бірі.

Бағдарлама соңына қарай Ғазизхан "Ұлыма ақыл" әнін орындап, студияны мейірім мен рухани тереңдікке бөледі.

Мәтіннен қате тапсаңыз, бізге жазыңыз