Мемлекет басшысы Қасым-Жомарт Тоқаевтың жеке фотографы Аман Дүйсенбайев желіде жаңа видео жариялап, өзіне Әзербайжан президенті Ильхам Әлиев қалай көмектескенін көрсетті. Бұл туралы KAZ.NUR.KZ хабарлайды.

Аман Дүйсенбаев Ильхам Әлиевпен түскен видеосын Instagram-дағы парақшасында бөлісті. Бейнежазбада фотографтың мемлекет басшыларын суретке түсіретін кезде қолайлы орын ала алмай тұрғанын байқауға болады. Өзге фотографтар өз орындарынан қозғалмай, қазақстандық маманға кедергі келтіріп тұрды. Мұны байқап қалған Әзербайжан басшысы оларға ескерту жасап, Аман Дүйсенбаевқа көмегін тигізді.

Қазақстандық фотограф өзіне қолайлы орынға тұрды. Кейін видеодан Ильхам Әлиевтің Қасым-Жомарт Тоқаевпен амандасып жатқанын көрініс тапты.

"Объективтегі ағайындылық. Президент Әлиевке алғысымды білдіремін", — деп жазды фотограф.

Желі қолданушылары да Әзербайжан президентінің әрекетін жоғары бағалап, оған жылы лебізін жаудырды.

Мәтіннен қате тапсаңыз, бізге жазыңыз