Шерханға Чемпиондар Лигасының дебюттік ойынынан кейін еуропалық клубтың скауттары көз тігуі мүмкін.
Испаниялық Marca басылымының журналисті Давид Руис ASnews.kz сайтына берген сұхбатында "Қайрат" клубының жас қақпашысы Шерхан Қалмұрза Чемпиондар Лигасындағы жарқын ойынынан кейін Еуропаның жоғарғы деңгейлі чемпионаттарының скауттарының назарын аударуы мүмкін екенін атап өтті.
"Скауттар "Қайрат" футболшыларына "Селтикпен" матчқа дейін де бақылау жасағанына сенімдімін. Бірақ Чемпиондар Лигасының негізгі кезеңі — мүлде басқа деңгей. Сондықтан Шерханнан кейін оның өнерін Еуропаның үздік чемпионаттары, соның ішінде Ла Лига да бақылап отырған болар, — деді Руис.
Естеріңізге сала кетсек, 18 жасар алматылық клуб тәрбиеленушісі топтық кезеңдегі дебюттік матчта Лиссабонның "Спортинг" командасына қарсы (1:4) пенальтиді тойтарып, ересектер деңгейінде екінші ойынын өткізді.
Transfermarkt мәліметтері бойынша, қазіргі уақытта Қалмұрзаның құны 200 мың еуроға бағаланған. Соңғы жаңарту 18 қыркүйекте жасалған. Бұған дейін портал оның бағасын мүлде көрсетпеген.
