Алматы 19 қыркүйекте жаңа су құбыры желілерін іске қосу жұмыстарының жүргізілуіне байланысты кей көшелерде суық су болмайды, деп хабарлайды "Алматы су" МКК-ға сілтеме жасаған KAZ.NUR.KZ.

Коммуналдық кәсіпорынның мәліметінше, жаңа су құбыры желілерін іске қосу жұмыстары 19 қыркүйекте сағат 09:00-ден 17:00-аралығында жүргізіледі.

Осыған байланысты Түрксіб ауданының Нижняя Пятилетка шағынауданында орналасқан тұрғын үйлер мен әкімшілік ғимараттарға суық су беру уақытша тоқтатылады.

Сонымен қатар:

• Жароков көшесі – Сәтбаев көшесі (оңтүстік жағы) – Манас көшесі – Мыңбаев көшесі;
• Абай даңғылы – Манас көшесі – Мыңбаев көшесі – Әуезов көшесіндегі аумақта суық су беру уақытша тоқтатылады.

"Алматы Су" МКК келтірілген уақытша қолайсыздықтар үшін кешірім сұрайды және техникалық жұмыстар жүргізу қажеттілігіне байланысты енгізілген шектеулерге түсіністікпен қарауды сұрайды", — делінген хабарламада.

Мәтіннен қате тапсаңыз, бізге жазыңыз