"Реалдың" Чемпиондар лигасындағы келесі қарсыласы алматылық клуб.

Мадридтің "Реалы" Чемпиондар лигасының жалпы кезеңіндегі алғашқы турда Францияның "Марселін" тізе бүктірді. "Сантьяго Бернабеу" стадионындағы тартысты кездесу 2:1 есебімен аяқталды.

Ойынның 22-минутында қонақтар сапынан Тимоти Веа есеп ашып, "Марсельді" алға шығарды. Бірақ "корольдік клуб" көп ұзамай қарымта қайтарды. Килиан Мбаппе 29-минутта пенальтиден мүлт кеткен жоқ. Ал шешуші соққысын 81-минутта дәл орындап, дубль авторы атанды.

72-минутта Даниэль Карвахаль алаңнан қуылып, "Реал" кездесуді он ойыншымен жалғастырды. Соған қарамастан мадридтіктер жеңісті уысынан шығарған жоқ.

Келесі турда, 30 қыркүйекте, "Реал" Алматыда "Қайратпен" жолығады. Ал "Марсель" өз алаңында Амстердамның "Аяксын" қабылдайды.