Биыл әлемдегі баспасөз еркіндігі рекордтық төмен деңгейге түсті. Зерттеу нәтижесі жаһан елдеріндегі орташа көрсеткіш 55 балл екенін көрсетті. Бұл – тарихтағы ең төмен көрсеткіш .

Жалпы ресми мәліметке сәйкес баспасөз еркіндігі бойынша Норвегия жоғары тұр. Екінші және үшінші орындарда Эстония мен Нидерланд. Бұл елдерде баспасөздің құқықтық қорғалуы, саяси қысымның төмендігі және ақпарат құралдарының қаржылық тұрақтылығы жоғары. Ал Қытай, Солтүстік Корея және Эритрея керісінше баспасөз бостандығы ең төмен, сөзге қонақ бермейтін елдер қатарында. Бұл елдерде мемлекет ақпарат ағынын толық бақылауда ұстайды және журналистерге қатысты қысым мен шектеулер көп екені байқалады.