Үкімет қаулысымен Сыртқы істер министрлігі жаңа өкілеттікке ие болды – енді ведомство шетел азаматтарынан саусақ іздерін алып, Қазақстан Республикасының азаматтығын беру-бермеу мәселелерін шешеді, деп хабарлайды KAZ.NUR.KZ.

Үкімет қаулысына сәйкес, Қазақстанның Сыртқы істер министрлігі жаңа өкілеттіктерге ие болды.

Атап айтқанда, оларға:

• Қазақстан Республикасының шет елдердегі мекемелерінің Қазақстан Республикасының азаматтығы мәселелері бойынша өтініштерді қабылдау және қарау, Қазақстан Республикасының азаматтығын жоғалтуын тіркеу және Қазақстан Республикасының азаматтығына жататынын (жатпайтынын) айқындау қағидаларын әзірлеу және бекіту;
• Қазақстан Республикасының визаларын алу кезінде шетелдіктер мен азаматтығы жоқ адамдардан дактилоскопиялық ақпарат жинау және өңдеу қағидаларын әзірлеу және бекіту өкілеттіктері берілді.

Еске сала кетейік, Қазақстанда азаматтық алу кезінде тіл мен Конституцияны білуге қойылатын талаптар өзгерді – Ғылым және жоғары білім министрлігі еліміздің азаматтығын алу немесе қалпына келтіру үшін қажетті мемлекеттік тіл, Қазақстан Республикасы Конституциясы және Қазақстан тарихының негіздерін білудің ең төменгі деңгейін айқындайтын бұйрыққа өзгерістер енгізді.

Мәтіннен қате тапсаңыз, бізге жазыңыз