Алматыда Түркебаев көшесі алғашында тек демалыс күндері ғана жабылады деп жоспарланған болатын. Алайда тұрғындардың өтінішімен жоспар өзгеріп, енді бұл аумақта алдағы бес күн бойы көлік қозғалысына шектеу енгізіледі, деп AlmatyJoly-на сілтеме жасаған KAZ.NUR.KZ.

Әкімдік Түркебаев көшесінде инженерлік желілерді тарту жұмыстары аяқталып келе жатқанын хабарлады. Алғашында жол демалыс күндері ғана жабылуға тиіс еді. Бұл шешім көлік қозғалысына түсетін салмақты азайту және тұрғындар мен жүргізушілерге жайлы жағдай жасау мақсатында қабылданған.

Алайда артынан бұл шешім өзгерген.

"Әкімдікке су бұру жүйесіне қосылуды күтіп отырған тұрғындар жүгініп, жұмысты тездетуді сұрады. Осыған байланысты кесте өзгеріп, жобаны қысқа мерзімде – 5 күн ішінде аяқтау үшін жұмыс күн сайын жүргізілетін болды", — делінген әкімдік хабарламасында.

Осы жағдайларға байланысты Түркебаев көшесінің Құлымбетов көшесінен Қарасай батыр көшесіне дейінгі аумақ 15-20 қыркүйек күндері сағат 10:00-22:00 аралығында жабық болады.

Әкімдік өкілдері тұрғындарға түсіністікпен қарап, шыдамдылық танытуын сұрады.

Мәтіннен қате тапсаңыз, бізге жазыңыз