"Қайрат" ФК бас бапкері Рафаэль Уразбахтин қақпашы Темірлан Анарбековтің алдағы матчтарда клубқа көмектесе алмайтынын айтты, деп хабарлайды KAZ.NUR.KZ Sports24.kz-ке сілтеме жасап.

Кеше, 14 қыркүйекте Алматының "Қайрат" футбол клубының және ұлттық құраманың қақпашысы Темірлан Анарбеков Премьер-лиганың 23-турындағы ойында жарақат алды. Кездесудің 10-минутында Анарбеков допты қағып алмақ болған кезде қарсылас команда ойыншысымен соқтығысты.

Стадионда футболшыға дереу медициналық көмек көрсетілді, ал 20 минуттан кейін оны арена аумағынан алып кетуге жедел жәрдем келді.

Бас бапкер Рафаэль Уразбахтин команданың қақпашысы Темірлан Анарбековтің алған жарақатының дәрежесі мен денсаулығының қалпына келу уақыты туралы айтты.

"Маған белгілі ақпарат бойынша, Темірланның жақ сүйегі сынған, оның бізге қашан оралатыны белгісіз. Ол алдағы Чемпиондар лигасы мен ҚПЛ-2025 ойындарында командаға көмектесе алмайды", — деді футбол клубының жаттықтырушысы.

Мәтіннен қате тапсаңыз, бізге жазыңыз