Жігерлі мінезімен жанкүйерлерді баурап алған жас қазақстандық боксшы әлем чемпионатында төрт қарсыласын да ойсырата жеңді.

Төрехан Сабырхан Ливерпульде өтіп жатқан әлем чемпионатында алтын медаль иегері атанды. Ол 70 келіге дейінгі салмақта қарсылас шақ келтірмеді.

Финалда Төрехан жапониялық Сэвон Окадзавамен жұдырықтасты. Жекпе-жек тартысты өткенмен, үшінші раундта қазақстандық боксшы қарсыласынан айласын асырып, 3:2 есебімен жеңісті жұлып алды.

Осылайша, 19 жастағы Төрехан Сабырхан ересектер арасындағы әлем чемпионатында алғаш рет алтын медаль жеңіп алды. Оған қоса Төрехан ел тарихындағы ең жас әлем чемпионы ретінде есімі Қазақстан бокс тарихында алтын әріптермен жазылады.