Бразилияның Жоғарғы соты елдің бұрынғы президенті Жаир Болсонаруды мемлекеттік төңкеріс жасауға әрекеттенгені үшін кінәлі деп танып, оны 27 жыл 3 айға бас бостандығынан айыру жазасына кесті.

Бес судьяның үшеуі 70 жастағы Болсонаруды мына бес қылмыс бойынша айыптады:

• қарулы қылмыстық ұйымға қатысу,
• демократияны күшпен құлату әрекеті,
• мемлекеттік төңкеріс ұйымдастыру,
• мемлекеттік мүлікке және қорғалатын мәдени құндылықтарға зиян келтіру.

Оны бір судья оны ақтады, тағы бірі дауыс бермеді.

Reuters атап өткендей, жалғыз қарсы дауыс бұл үкімді қайта қарауға және түпкілікті шешімді 2026 жылғы президенттік сайлауға жақынырақ уақытта шығаруға мүмкіндік беруі ықтимал.

2023 жылдың 8 қаңтарында Болсонару жақтастары Лула да Силва қызметке кіріскеннен кейін көп ұзамай Бразилиа қаласында Конгресті, Жоғарғы сотты және президент сарайын басып алды. Айыптаушылардың айтуынша, Жаир Болсонару «Жасыл және сары қанжарлар» деген кодтық атауы бар төңкеріс жоспарын жасауға қатысқан. Бұл жоспар бойынша Луланы улау, сондай-ақ вице-президент Жералду Алкмин мен Жоғарғы сот судьясы Александре де Мораесті өлтіру көзделген. Болсонару барлық айыптауларды жоққа шығарып, төңкеріс туралы ештеңе білмегенін мәлімдеді.

Шілде айында Болсонаруға электронды білезік тағылып, түнде үйде болу бұйырылды және әлеуметтік желілерді пайдалануға тыйым салынды. Тамыздың басында ол интернет арқылы жақтастарына үндеу жасағаны үшін Бразилиадағы үйінде үйқамаққа алынды.