Биыл арнайы прокурорлар сотқа 55 қылмыстық іс жолдап , соның негізінде 112 адам сотталған. Тағы 80 іс соттардың қарауында жатыр. Арнайы прокурорлар тексерген істер бойынша жалпы сомасы 14,4 миллиард теңге залал өтелді. Бұл жайынды Президент қабылдауында болған Бас прокурор Берік Асылов мәлімдеді.

Кездесуде елдегі заң үстемдігі мен прокуратураның негізгі жұмыстары талқыланды. Тағы Мемлекет басшысына соңғы 2 жылда 850 млрд теңге актив қайтарылғандығы айтылды. Бұл қаражатқа 400-ге жуық әлеуметтік және коммуналдық нысан салынуда, 60-ы пайдалануға берілген. Президент барлық салада заңдылықты сақтап, «Заң мен тәртіп» қағидатын күшейтуді тапсырды. Сондай-ақ алаяқтыққа, есірткі саудасына, тұрмыстық зорлық-зомбылыққа, вандализмге қарсы күресті және бизнесті негізсіз қудалауға жол бермеуді үйлестірудің маңыздылығын атап өтті.