Алматыда 11 қыркүйек күні өрт сөндірушілер Шығыс айналма жолының бойында, Төле би көшесінің солтүстігінде шыққан өртті оқшаулады, деп хабарлайды Zakon.kz.

Куәгерлердің айтуынша, тау бөктерімен тараған от жеке тұрғын үйлерге және ағаштарға дейін жеткен. Нәтижесінде, бір үйдің қаптамасы зақымданған, алайда тұрғын үйлер аман қалды.

Қазіргі уақытта ашық жалын жоқ, бірақ өрт сөндірушілер қайталануын болдырмау үшін түтіндеген жерлер мен өрт ошақтарына су шашуды жалғастыруда.

Оқиға орнында өрт сөндіру техникасы жұмыс істеп жатыр.

Бұған дейін астаналық құтқарушылар жеделсатыда қалып қойған 9 адамды босатқанын жазғанбыз.