Израиль әскері бейбіт халықты «тірі қалқан» ретінде пайдаланған. Associated Press агенттігінің мәліметі бойынша олар палестиналықтарды Газа секторындағы үйлерді тексеруге мәжбүрлеген . Алайда еврей армиясының басшылығы мұны жоққа шығарып отыр.

Бүгін Биньямин Нетаньяху үкіметі мен ХАМАС қозғалысы арасында Мысырдың арағайындығымен «жанама» келіссөз өтіп жатыр. Израиль тұтқындағы азаматтарын босатуды және ХАМАС өкілдерінің Газадан кетуін талап етіп отыр. Алайда бірде бір мемлекет оларды өз еліне кіргізуге ниет танытқан жоқ. Бүгін Израиль әуе күштері Газадағы мектепті бомбалап, 30 адам қаза тапты.