АҚШ-та олардың құрығына көбіне егде жастағы адамдар ілігеді. Былтыр шамамен 5 миллиард доллар жымқырған. Ұлыбританияда да хакерлік шабуылдар саны артып келеді. Миллиондаған британдыққа шығын келген. Әлеме елдерінде ғаламтордағы алаяқтыққа қарсы қандай шараар қабылданып жатыр.

Еуроодақ елдерінде 2022 жылдан бері арнайы Киберқауіпсіздік агенттігі жұмыс істейді. Ведомство басты бірнеше сала деректерін қорғайды. Олардың қатарында денсаулық сақтау, банк жүйесі, әуе тасымалы және БАҚ бар. Тәжірибе көрсеткендей, хакерлік шабуылдар ең жиі жасалатын бағыттар да осы салалар. Жыл сайын олардың саны үнемі артып келеді. Мәселен, 2024 жылы қадағалаушы органдар 11 мыңнан астам жүйеге кіру әрекетін тіркеген. Көбіне қаскөйлер компьютер мазмұнына қол жеткізуді бұғаттап, төлем жасағанға дейін ашпайтын зиянды бағдарламаларды пайдаланады.

9 млн британиялық скам құрбаны болды

Ұлыбританияда да жағдай ұқсас. Статистикаға сәйкес Корольдік жалған операциялар саны бойынша көш басында. Мұнда әр он бесінші адам скам құрбанына айналады. Жалпы алғанда бұл проблема интернет қолданушыларының шамамен 90%-ын қамтиды. Әсіресе егде жастағы адамдар алаяқтардың айласына жиі түседі. Ең кең тарағаны — жалған инвестициялық ұсыныстар немесе зейнетақымен байланысты алаяқтық. 2024 жылы қаржылық алаяқтық әрекеттен 1 миллиард 600 мың доллар шығын келді.

Кибершабуылдардан залал $16 млрд келді

АҚШ-та да киберқылмыс көбейіп барады. 2024 жылы шығын 16,5 миллиард доллардан асты. Зиян шеккендердің басым бөлігі қарттар. Олар интернеттегі алаяқтарға жиі алданады, себебі цифрлық сауаттылығы төмен. Бұған қоса, зейнеткерлердің көбі ескі құрылғыларды пайдаланады, ал олардың зиянды бағдарламалардан қорғанысы әлсіз. Ең көп тараған алаяқтық түрлері – фишинг пен спуфинг. Қаскөйлер әлеуметтік желі мен банк қосымшаларының құпиясөзін алу үшін банктер мен ресми ұйымдар атынан жасанды хаттар жолдайды. Алаяқтарға қарсы күресу үшін елде Phish Tank бастамасы іске қосылған.

Алаяқтықтар саны 70% өсті

Сингапурда киберқылмыстардың саны 2024 жылы 70%-ға артты. Көрсеткіш рекордтық деңгейге жетіп, 26 мың жағдай тіркелді, ал шығын 284 миллион доллардан асты. Әлемдік алаяқтыққа қарсы альянстың дерегі бойынша 2023 жылы ел бір жәбірленушіге шаққандағы орташа шығын бойынша ең жоғары көрсеткіш тіркелді. Алаяқтар адамның сеніміне кіру үшін бар амалын жасап отыр. Камбоджа, Мьянма және Лаоста жүздеген мың азамтты мәжбүрлі түрде жұмыс істететін алаяқтық индустриялары әрекет етіп тұр.