Күні кеше Мәжіліс мінберінде депутат Ардақ Назаров анасын туған күнімен құттықтады.

Журналистер осы жағдайға қатысты Сенат төрағасы Мәулен Әшімбаевтың пікірін білді, деп хабарлайды inbusiness.kz сайты.

"Сенат спикері ретінде көршілес палатадағы депутаттардың айтқанына қатысты пікір білдіргенім дұрыс емес", – деді Әшімбаев Сенат кулуарында.

Тілшілер "Мұндай жағдай Сенатта болуы мүмкін бе?" деп сұрады.

"Сенаторлардың бірі өзінің анасын қатты жақсы көретін болса, ондай дүние болуы мүмкін де шығар. Бірақ әзірге ондай жағдай болмады", – деп қысқа қайырды Сенат төрағасы.

Айта кету керек, бұған дейін Ардақ Назаров Мәжіліс отырысында анасын туған күнімен құттықтағанын жазған едік.