"Қазгидромет" РМК 11 қыркүйекке арналған ауа райы болжамын ұсынды. Синоктиктердің болжамынша, еліміздің басым бөлігінде нөсер жауын жауып, дауыл болады, деп хабарлайды KAZ.NUR.KZ.

"Қазақстанның басым бөлігіндегі ауа райын циклон және онымен байланысты атмосфералық фронтальды бөліктер айқындайтын болады: найзағай ойнап, жаңбыр жауады, республикамыздың солтүстігінде, шығысында, орталығында нөсер жаңбыр жауады, бұршақ түседі, дауыл тұрады. Республика бойынша белең алатын ортақ табиғи құбылыс — желдің екпін алуы, батыста, солтүстікте, шығыста, орталықта түнде және таңертең тұман түседі деп болжанады", — деп хабарлайды "Қазгидромет" синоптиктері.

Сондай-ақ республиканың бірқатар өңірлерінде келесідей қауіпті табиғи құбылыстар күтіледі:

• өрт қаупі жоғары — Жетісу облысының солтүстігінде, шығысында, Алматы облысының оңтүстігінде, шығысында, Қарағанды облысының солтүстігінде, Ақмола облысының солтүстік-батысында, Батыс Қазақстан облысының оңтүстігінде, шығысында, Атырау өңірінің батысында, Ақтөбе облысының батысында, орталығында, Қостанай облысының оңтүстік-шығысында, Ұлытау облысының шығысында;
• төтенше өрт қаупі — Алматы, Түркістан, Қызылорда, Маңғыстау, Атырау, Жамбыл, Жетісу облыстарында, облысында, Батыс Қазақстан облысының батысында, Қостанай өңірінің оңтүстік-батысында, Қарағанды облысының оңтүстігінде, Ақтөбе облысының шығысында, Ұлытау облысының оңтүстігінде.

Мәтіннен қате тапсаңыз, бізге жазыңыз