Бір ай бұрын ЭЦҚ алу қызметі толығымен онлайн форматқа көшірілді, бұл рәсімді жеңілдетеді және азаматтардың жеке деректерінің қауіпсіздігін арттырады.
Жаңа ережелер ақпараттық қауіпсіздік деңгейін арттыруға бағытталған, себебі ЭЦҚ қолмен қойылған қолтаңбаға теңестіріледі және оның заңды күші бар.
Бірақ, әрине, кейбір адамдарда онлайн форматта ЭЦҚ алу кезінде қиындықтар туындауы мүмкін. Мысалы, жүйе сіздің бет-әлпетіңізді тани алмаса (базада фото болмағандықтан немесе техникалық қателік салдарынан), онда сізге қайта идентификациялау үшін бес ретке дейін мүмкіндік беріледі. Егер барлық әрекеттер сәтсіз аяқталса, оператордың қатысуымен және қажетті құжаттармен идентификациядан өтіп, ХҚКО арқылы ЭЦҚ алуға өтініш беруге болады.
Интернетке немесе компьютерге қолжетімі жоқтар үшін ХҚКО-да оператордың қатысуынсыз биометриялық идентификациядан өтіп, ЭЦҚ кілтін алуға болатын өзіне-өзі қызмет көрсету аймақтары қарастырылған.
Азаматтар білуге тиіс тағы бірнеше нюанс бар. Мысалға, онлайн ЭЦҚ алу үшін не істеу керек және оны қайда алуға болады? Толығырақ, біздің «Білген абзал» бағдарламамызда сілтеме бойынша көре аласыздар.
Эфирде және 24.kz сайтында күн сайын жұмыс күндерінде қараңыз.
