2025 жылғы 10 қыркүйекке қараған түні Алматы қаласындағы Әл-Фараби даңғылында BMW маркалы көлік жол апатына ұшырады, деп хабарлайды Zakon.kz.

Апат Розыбакиев пен Серікбаев көшелерінің арасындағы аумақта орын алды. Алдын ала мәліметтер бойынша, шығыс бағытта қозғалған BMW жүргізушісі рөлге ие бола алмай, көлік жолда сырғанап кеткен.

Көлік жолақтардың барлығын кесіп өтіп, жиекжолға шығып, құрылыс нысанының бірнеше металл қоршауын қиратқан.

Абырой болғанда, оқиға кезінде тротуарда жаяу жүргіншілер болмаған. Жүргізуші мен жолаушылар дін аман.

Куәгерлердің айтуынша, көлік жолақтан жолаққа ауысып келе жатқан. Кейбіреулердің сөзінше, апаттың алдында BMW көлігін басқа бір көлік қиып өткен, сол кезде жүргізуші соқтығысудан қашамын деп рөлді күрт бұрып, көлікті басқара алмай қалған.

Оқиға орнында жол-патрульдік полиция қызметкерлері жұмыс істеуде, жол апатының мән-жайы анықталуда.

Бұған дейін Алматыда 8 қыркүйекке қараған түні Алматыда Саин даңғылы мен Абай даңғылының қиылысына жақын маңда Hyundai Elantra жеңіл көлігі мен жол жұмысшыларының Hino маркалы жүк көлігі қатысқан жол-көлік оқиғасы болғанын жазғанбыз.