Алматы әуежайында өртке қарсы су құбырын ауыстыруға байланысты әуежай аумағына кіру мен шығу уақытша шектеледі. Жолаушыларға бағыттарын алдын ала жоспарлауға кеңес берілді, деп хабарлайды KAZ.NUR.KZ.

Әуежай ақпаратына сәйкес, 10 қыркүйектен бастап өртке қарсы су құбырын ауыстыруға байланысты "Ақсұңқар" қонақ үйі алдындағы әуежай аумағына кіру және шығу уақытша шектеледі. Жөндеу жұмыстары кезең-кезеңмен жүргізіледі:

• I кезең: 10 – 13 қыркүйек аралығында бір кіреберіс пен бір шығаберіс жолы жабылады, ал екінші кіреберіс жолы ашық болады. • II кезең: 14 – 18 қыркүйек аралығында бір кіреберіс жолы жабылады, дегенмен басқа кіреберіс пен шығаберіс жолдары жұмыс істейтін болады.

"Әуежайға баратын бағытты жоспарлауда осы өзгерістерді ескерулеріңізді сұраймыз. Қолайсыздықтар үшін кешірім өтінеміз және түсіністік танытқандарыңызға алғыс айтамыз", — деді әуежай өкілдері.

Мәтіннен қате тапсаңыз, бізге жазыңыз