Қазақстан басшысы Израиль билігі жасаған әскери акцияны айыптайды.

Мемлекет басшысы Қасым-Жомарт Тоқаев Израильдің Қатар астанасына жасаған әскери акциясынан кейін шұғыл мәлімдеме жасады.

"Президент Қасым-Жомарт Тоқаев Қатар астанасы Дохада Израиль билігі жасаған әскери акцияны айыптайды. Қандай мақсатты көздесе де, мұндай әрекетке жол беруге болмайды. Бұл Қатар мемлекетінің егемендік құқығын бұзады және халықаралық құқық қағидаттарына қайшы келеді", – делінген Ақорданың хабарламасында.

Еске салайық, 9 қыркүйекте Израиль ХАМАС басшылығына соққы жасағанын мәлімдеді, ол соққы Катар астанасы Дохада жасалғанын The Times of Israel хабарлады. Хабарламада Дохадағы соққы тиген ғимаратта ХАМАС басшылары, соның ішінде Халиль әл-Хайя мен Халед Машаль болғаны айтылған.

Жоғары лауазымды израильдік шенеуніктің мәліметінше, бұл соққы АҚШ президенті Дональд Трамппен келісілген. Алайда премьер-министр Биньямин Нетаньяхудың кеңсесі "ХАМАС жетекшілеріне қарсы әрекет Израильдің толықтай тәуелсіз операциясы болды" деп мәлімдеді.

Оқи отырыңыз:

Иран мен Израиль соғысы: АҚШ-тың ядролық нысандарға шабуылының Қазақстанға қандай әсері бар