Күдікті уақытша ұстау изоляторында отыр.
Астанадағы түнгі клубтардың бірінде төбелес болып, 19 жастағы жігіт алған жарақатынан көз жұмды, деп хабарлайды inbusiness.kz сайты.
Әлеуметтік желіде оқиға орнынан түсірілген сурет тарады.
"Астана қаласындағы түнгі клубта болған кісі өліміне қатысты полицейлер күдіктіні ұстап, уақытша ұстау изоляторына қамады. Анықталғандай, ойын-сауық орнында келушілер арасында жанжал туындап, арты төбелеске ұласқан. Оқиға барысында күдікті пышақ жарақатын салып, салдарынан 19 жастағы жігіт алған жарақатынан оқиға орнында көз жұмды", – деп хабарлады қалалық полиция департаменті.
Бұл дерек бойынша қылмыстық іс қозғалып, тергеу жүргізіліп жатыр.
