«Таза Қазақстан» акциясына бүгін Шымкент қаласының бес ауданы атсалысты. Оған коммуналдық мекеме жұмысшылары, жастар мен тұрғындар белсене қатысты. Бадам өзені бойындағы қоқыстарды жинап, қоршаулар мен аяқжолдардың жиегін бояп, ретке келтірді. Тұрғын үй аулаларындағы ағаштардың түбін әктеп, артық өскіндерін қырқып шықты. Жалпы экологиялық шара басталғалы мегаполисте жастардың қатысуымен 40-қа жуық тазалық шарасы ұйымдастырылған. Оған 4 мыңнан астам адам қатысты. Сондай-ақ бұл іске шаһардағы еріктілер тобы да ерекше үлес қосып жүр. Бүгінгі таңда мегаполисте осындай 12 ұйым жұмыс істейді. Барлық ауданда тазалықты тұрақты ұстап тұратын арнайы топтар да жасақталған.

Дінмұхаммед Шаншархан, коммуналдық тазалық мекемесі басшысының орынбасары:

Абай ауданы бойынша 27 елді мекен бар, оның ішінде 13 бригада бар. Осындағы 27 аумаққа бөліп бергенбіз. Әрқайсысы өз аумақтарында тазалық жұмыстарын жүргізеді. Оларға орақшылар бергенбіз. Көшелерде шөп орады. График бойынша жұмыс атқарады.

Ғани Қалмаханов