Ақтөбеде «Бауырластар» тұрғын ауданында қайғылы жағдай болды, деп хабарлайды Skifnews.kz ақпарат порталы.

Түнгі уақытта жасөспірім ата-анасының рұқсатынсыз әкесінің көлігін айдап, көшелерде жүрген. Алайда рөлге ие бола алмай, көлікпен жол жиегіндегі сайға құлап кеткен.

Оқиға орнына жеткен жедел жәрдем бригадасы жасөспірімге көмектесе алмады.

Осы оқиғаға байланысты Ақтөбе полициясы тағы да ата-аналарға үндеу жасады.

«Құрметті ата-аналар, балаларыңызды қадағалаңыздар. Жол қателікті кешірмейді», – деді Ақтөбе қаласы Полиция басқармасының патрульдік полиция ротасының командирі Дулат Хасенов.