Антальяға ұшып бара жатқан ұшақ шұғыл түрде Атырауға қонды
08.09.2025
Ресейдің Екатерингбург қаласынан Түркияның Анталья қаласына жолға шыққан Azur Air әуе компаниясының ұшағы шұғыл түрде Атырауға қонды.
Жергілікті ақпарат көздерінің мәліметіне сүйенсек, ұшақ ішінде 300 жолаушы болған.
«Алдын ала ақпарат бойынша, ұшақта техникалық ақау пайда болған. Сондықтан, экипаж жақын жердегі әуежайға қонған», – деп хабарлайды «Атырау Today » телеграмм арнасы.
