Президент Қасым-Жомарт Тоқаев Қазақстанның азық-түлік өнімдеріне жоғары деңгейде импортқа тәуелді болуын «ұят жағдай» деп атап, қатаң сынға алды, деп хабарлайды Skifnews.kz ақпарат порталы.

Оның айтуынша, үкіметтің стратегиялық міндеті – импортқа тәуелділікті барынша азайту.

«100% өзін-өзі қамтамасыз ету мүмкін емес, әрі оған қажеттілік те жоқ. Бірақ қазіргі нарықтағы жағдай – бұл ұят нәрсе», – деп атап өтті ол.

Мемлекет басшысы Қазақстан өз өнімдерін шетелге белсендірек шығаруы тиіс екенін қосты. Ол үшін логистика, стандарттар мен маркетингті ескере отырып, агроэкспорттың нақты жоспарын әзірлеу қажет. Бұған тек Ауыл шаруашылығы министрлігі ғана емес, өзге де мемлекеттік органдар үкіметтің үйлестіруімен атсалысуы тиіс екенін айтты.