Су шығынын азайту мақсатында 14,5 мың шақырым канал жаңғыртылады. Соның арқасында 2030 жылға қарай жылына 10 млрд текше метр су үнемдеуге мүмкіндік туады.

Былтырдан бері фермерлерді су үнемдеу технологияларын енгізуге ынталандыру мақсатында шығынын 50 пайыздан 80 пайызға дейін өтеу қарастырылған. Ал суды көп тұтынған шаруаларға жоғары тариф бекітілді. Су үнемдеу жабдықтарының өндірісі жолға қойылды. Қазір елде жаңбырлатып суару жабдықтарын шығаратын 4 зауыт бар. Сондай-ақ Түркістан облысында түрік және қытай компанияларының қатысуымен бірнеше жоба қолға алынды. Былтыр 158 мың гектар аумақта су үнемдеу технологиясы енгізілді. Сондай-ақ топырақта ылғалды көбірек сақтауға қатысты жаңашыл жобалар жүзеге асып жатыр. Бұл бағытта шетелдік компаниялармен тығыз жұмыс жолға қойылды.