Ақсуда бес жасар қыз ойнап жүріп ыстық су толы шұңқырға құлап кеткен
07.09.2025
2019 жылы туған бүлдіршін құбырдан аққан ыстық судан пайда болған орға түсіп кеткен, деп хабарлайды inbusiness.kz сайты.
Әкімдіктің мәліметінше, оқиға Әуезов көшесіндегі "Чайка" дүкенінің маңында болған.
Зардап шеккен қыз Павлодар облыстық балалар ауруханасына жеткізілді.
Дәрігерлер оның кеуде, арқа және бел аймағын 1–3 дәрежелі күйік шалғанын анықтады. Денесінің 17 пайызы зақымданған. Баланың жағдайы орташа ауыр деп бағаланып, ол травматология бөлімшесіне жатқызылды.
