Бұдан былай қыз алып қашу немесе некеге мәжбүрлеу қылмыстық жауапкершілікке әкеп соғады, деп жазады inbusiness.kz сайты.

Бұл туралы прокурор Айжан Аймағанова мәлімдеді.

Оның айтуынша, Мемлекет басшысы қылмыстарға "нөлдік төзімділік" қағидатын қамтамасыз ету үшін Қылмыстық кодекске бірқатар өзгеріс енгізген.

Енді күштеп, қорқытып немесе қысым көрсетіп некеге отырғызу әрекеті ҚК-нің 125-1-бабымен қарастырылады.

Жаңа нормаға сәйкес, мұндай әрекет үшін 2 жылға дейін бас бостандығынан айыру жазасы қолданылады. Ал егер ол ауыр зардаптарға әкелсе, кінәлілер 10 жылға дейін түрмеге қамалуы мүмкін.