Оқиға жайлы адвокат Гаухар Сариева әлеуметтік желіде хабарлады, деп жазады Skifnews.kz ақпарат порталы.

Алматы облыстық Полиция департаментінің мәліметінше, ер адамды өлтіру және баланы ұрлау фактілері бойынша қылмыстық іс қозғалған.

– Тергеу нұсқасына сәйкес, күдікті мен жәбірленуші бұған дейін жақын қарым-қатынаста болған. Араларында жанжал шығып, күдікті жәбірленушінің бауырына аңшы мылтығымен оқ атқан. Ол оқиға орнында қаза тапты. Қылмыс жасағаннан кейін күдікті кәмелет жасқа толмаған баланы алып, ізін жасырған. Қазіргі таңда күдіктінің жеке басы мен жүрген жері анықталды. Оны ұстау бойынша шаралар қабылданып жатыр, – делінген полицияның баспасөз қызметі таратқан хабарламада.

Сонымен қатар, болған оқиғаның барлық мән-жайын анықтау үшін жедел-тергеу шаралары жүргізіліп жатыр.

Кейінірек Ішкі істер министрлігі полицияның арнайы жасағы кәмелет жасқа толмаған баланы құтқару операциясын сәтті жүргізгенін хабарлады.

– Бала босатылды, оның өмірі мен денсаулығына ешқандай қауіп жоқ, – деп хабарлады.

Артынша, күдікті ұсталып, одан аңшы мылтығы тәркіленген.

Алматы облысының Полиция департаменті Талғардағы атыс пен бала ұрлау ісіне қатысты тың мәлімет таратты.

Құқық қорғау органдарының хабарлауынша, күдікті көп ұзамай қолға түсіп, одан атыс қаруы тәркіленді.

Кейінірек Ішкі істер министрлігі полицияның арнайы жасағы кәмелет жасқа толмаған баланы құтқару операциясын сәтті жүргізгенін хабарлады. Құтқарылған қыз анасына тапсырылды. Дәрігерлер оның денсаулығын тексеріп жатыр.

Алматы облысы Полиция департаменті қылмыс жасаған адамның уақытша ұстау изоляторына қамалғанын хабарлады.

Қазақстан Республикасының ІІМ оқиғаның толық мән-жайы бойынша тергеу әлі де жалғасып жатқанын мәлімдеді.

Қазіргі кезде ер адамды өлтіру және баланы ұрлау фактілері бойынша қылмыстық іс қозғалды.