Алматыда мопед мінген әйел жүк көлігіне соғылып, көз жұмды
05.09.2025
Қайғылы жол апаты бүгін, 5 қыркүйекте таңғы сағат 8:50-де Жетісу ауданында болған.
Алматыда мопед тізгіндеген 54 жастағы әйел жүк көлігіне соқтығысып қаза тапты, деп жазады inbusiness.kz сайты.
"Howo маркалы жүк көлігінің жүргізушісі мопед мінген 54 жастағы әйелмен соқтығысып, өкінішке қарай, ол алған жарақаттарының салдарынан оқиға орнында көз жұмды", – деп хабарлады Алматы қалалық полиция департаменті.
Полиция қылмыстық іс қозғап, қажетті сараптамаларды тағайындады.
