Дональд Трамптың отбасы бір күнде криптовалюта арқылы 5 млрд доллар табыс тапты.
Бұл көрсеткіш оның жылжымайтын мүлікке салған инвестицияларынан да асып түсті, деп жазады inbusiness.kz сайты Forbes журналына сілтеме жасап.
The Wall Street Journal басылымының хабарлауынша, Трамп компаниясы мұндай пайдаға жаңа цифрлық валютаны жасап шығарған соң кенеліп отыр. Қазір АҚШ басшысының отбасы әлемдегі барлық токендердің төрттен біріне иелік етеді. Оның үш ұлы – жобаның тең құрылтайшылары.
Бірақ, Трамп отбасының негізгі бизнесі – жылжымайтын мүлік. АҚШ президенті жанұясының бұл кәсіптегі активтерінің жалпы құны 1 млрд 600 млн доллардан асады.
