Президент Жолдауы аясында жүргізіліп жатқан цифрландыру нәтижесінде бюджет шамамен 13 млрд теңгеге үнемделді .

Бұл туралы ҚР цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді, деп хабарлайды inbusiness.kz сайты.

Министрдің айтуынша, мемлекеттік қызметтерді өңдеу уақыты 20 есеге қысқарып, бюрократиялық рәсімдер мен сыбайлас жемқорлық тәуекелдері айтарлықтай азайған.

Инновациялық технологияларды жедел енгізу үшін QazTech платформасы іске қосылған. Оның көмегімен жаңа ІТ-жобаларды бұрынғы 1,5–3 жыл орнына небәрі алты айда іске қосуға мүмкіндік бар.

"Қазақстан цифрландыру деңгейі бойынша 193 елдің ішінде 24-орында және онлайн қызметтер индексі бойынша алғашқы ондыққа кіреді. Бүгінде мемлекеттік қызметтердің 92 пайызы онлайн форматта қолжетімді", – деді Мәдиев.