Астанадағы мектептердің бірінде телефон үшін кептеліс туындаған
03.09.2025
Әкімшілік бұл жайтты бір реттік жағдай деп атап өтті, деп жазады inbusiness.kz сайты.
Мектепішілік тәртіп бойынша сабақ басталмай тұрып оқушылар телефондарын тапсырады, ал сабақ аяқталған соң қайта алады.
Дәл осы сәтте дәлізде оқушылар өз телефондарын алуға ұмтылып, кептеліс пайда болған.
Оқиғаға қатысты мектеп әкімшілігі түсінік беріп, барлық мән-жайдың анықталғанын және мұндай жағдайдың қайталанбауы үшін шара қабылданғанын хабарлады.
