Денсаулық сақтау министрі Уэс Стритингтің айтуынша, мұндай сусындар зиянсыз болып көрінгенімен, балалардың ұйқысы мен зейінін төмендетіп, қанттың жоғары мөлшері семіздікке әкеледі.
Ұлыбритания үкіметі литріне 150 мг-нан көп кофеин бар энергетикалық сусындарды 16 жасқа толмағандарға сатуға тыйым салу мәселесін қарастыра бастады, деп жазады inbusiness.kz сайты.
Зерттеулерге сүйенсек, күн сайын шамамен 100 мың бала кемінде бір энергетикалық сусын тұтынады. Бұл олардың оқу үлгеріміне, ұйқысына және психикалық денсаулығына кері әсер етеді.
Білім министрі Бриджит Филлипсон бұл бастама "балалардың ең сау ұрпағын қалыптастыруға жасалған маңызды қадам" екенін атап өтті.
Үкімет болжамы бойынша, тыйым 40 мың баланың семіздікке шалдығуына жол бермей, болашақта денсаулық сақтау саласында ондаған миллион фунт стерлингті үнемдеуге мүмкіндік береді.
