Жуырда банк карталарын пайдалану бойынша шектеу шаралары қабылданды.

Бұл туралы Қаржы нарығын реттеу және дамыту агенттігінің төрағасы Мәдина Әбілқасымова айтты, деп хабарлайды inbusiness.kz сайты.

Агенттік басшысы жақында банк карталарын пайдалану бойынша шектеу шаралары қабылданды. Бұл дропперлікпен күрес аясында қолға алынған.

"Карталар есірткі саудасына байланысты қаражатты қолма-қол ақшаға айналдыру үшін жиі қолданылады, яғни бұл есірткі дропперлері болған. Сол себепті банк карталары бойынша бірқатар қатаң шаралар қолға алынды. Яғни, бір адамға бір банктен 10 картадан артық рәсімдеуге болмайды деген шектеу енгізілді. Бір адамның атына 200-ден астам карта рәсімделген жағдайлар да кездесті және бұл дропперлер еді. Біз арнайы тізім жасадық, оған бірнеше мың адам енгізілді", – деді Мәдина Әбілқасымова.

Оның айтуынша, банк карталарын пайдаланушылар "сұр тізімге" тексеру кезеңінде енгізіледі. Егер оның дроппер екені анықталса, ол қара тізімге еніп, шоты бұғатталады.

Әбілқасымованың сөзінше, төлем картасының тексерілетіні дұрыс. Бұл банк картасын нақты сол карта иесі пайдаланатынын анықтауға мүмкіндік береді.