Президент әкімшілігінің келісімімен және СҚО әкімінің өкімімен Кеңесов Нұрлан Маратұлы Солтүстік Қазақстан облысы әкімінің орынбасары болып тағайындалды. Бұл туралы өңір әкімдігіне сілтеме жасаған KAZ.NUR.KZ хабарлайды.

Әкімдіктің баспасөз қызметінің мәліметінше, жаңа лауазымда Нұрлан Кеңесов құрылыс, сәулет-құрылыс бақылауы және лицензиялау, энергетика және тұрғын үй-коммуналдық шаруашылық, жолаушылар көлігі және автомобиль жолдары саласындағы мәселелерге жауап береді.

Нұрлан Кеңесов "Болашақ" бағдарламасының түлегі.

Әр жылдары Мемлекеттік энергетикалық қадағалау және бақылау комитеті басқармасының басшысы, Индустрия және жаңа технологиялар министрлігі Стратегиялық жоспарлау департаментінің директоры, "Нұр Отан" партиясы төрағасының орынбасары, бірінші орынбасары, ОҚО әкімі аппараты басшысының орынбасары, Қорғаныс және аэроғарыш өнеркәсібі министрінің кеңесшісі, қызметтерін атқарған.

Сондай-ақ Тимирязев ауданының әкімі, Өнеркәсіп және құрылыс министрлігі мен Көлік министрлігі департаменттерінің директоры болған.

Осы тағайындауға дейін Президент әкімшілігінің Өңірлік даму мониторингі бөлімінің инспекторы болып жұмыс істеген.

Мәтіннен қате тапсаңыз, бізге жазыңыз