Әлемнің 24-ракеткасы Александр Бублик АҚШ ашық чемпионаты аяқталған соң рейтингте бірнеше саты жоғары көтерілетіні сөзсіз.

Қазақстандық теннисші үшінші айналымда әлемнің 14-ракеткасы, америкалық Томми Полға қарсы кортқа шықты.

Бірінші партияда тай-брейкте Бублик шеберлік танытты. Екіншісінде Пол есе қайырды — 7:6 (7:4). Үшінші сетте қазақстандық теннисші брейк жасап, сол басымдылықты сақтап қалды — 6:3. Төртінші сетте тай-брейкте Т.Пол табандылық көрсетті — 7:6 (7:5). Бесінші, шешуші партияда Бублик бет қаратпады — 6:1. Бұл Бубликтің US Open-дегі ең үздік жетістігі. 2019 жылы қазақстандық теннисші үшінші айналымға дейін жеткен болатын.

Александр Бублик ширек финалға шығу үшін әлемнің 1-ракеткасы, италиялық Янник Синнермен кездеседі.