Атырау облысында бала қаза тапқан жол-көлік оқиғасы болды. Оқиға 30 тамыз күні сағат 13:30-да Тасқала ауылындағы Орталық көшеде орын алған, деп хабарлайды Zakon.kz.
mgorod.kz порталының дерегінше, Атырау облыстық полиция департаменті Toyota Coaster маркалы автобустың жүргізушісі «Мектеп» аялдамасының маңында жолды кесіп өтпек болған 10 жастағы баланы қағып кеткенін мәлімдеді.
Ауыр жарақат алған бала ауруханаға барар жолда көз жұмды. Қазір бұл факті бойынша сотқа дейінгі тергеу жүргізілуде.
Бұған дейін Алматыда әйелдің айналма жолға жүгіріп шығып, көліктің астында қалып қаза тапқаны хабарланған еді. Тілшіміздің мәліметінше, оқиға ВОАД пен Төле би көшесінің қиылысындағы жолайырықтан кейін болған.
