Шымкентте полицей қызметтік көлікпен әйел адамды қағып өлтірді

29.08.2025

Қазір тергеу амалдары жүргізіліп жатыр.

Қайғылы жағдай кеше, 28 тамыз күні Желтоқсан көшесінде, қалалық полиция департаментінің жанында болды, деп хабарлайды inbusiness.kz сайты.

Құқық қорғау органдарының мәліметінше, әйел адам ағаштардың арасынан кенеттен шығып, белгіленбеген жерден жолды кесіп өтпек болған. Сол сәтте полицей жаяу жүргіншіні қағып кеткен. Алған жарақаттарынан әйел жаяу оқиға орнында көз жұмды.

"Аталған дерек бойынша қылмыстық іс қозғалды. Алдын ала ақпаратқа сәйкес, жүргізушінің тарапынан жол ережесін бұзу белгілері анықталмаған. Ол рөлге мас күйде отырмаған және жылдамдық режимін сақтаған. Қазір тергеу амалдары жүргізіліп жатыр. Оның қорытындысы бойынша процессуалдық шешім қабылданады", – деп хабарлады Шымкент қалалық полиция департаменті.

Related to this topic:

Latest to this topic: