Маңғыстау облысының әкімі Нұрдәулет Қилыбай келер жылы облыста дрон-таксилерді іске қосу жоспарланып отырғаны туралы күтпеген мәлімдеме жасады, деп хабарлайды KAZ.NUR.KZ Lada.kz-ке сілтеме жасап.

Басылымның хабарлауынша, өңір басшысы инновациялық көлік түрінің енгізілетінін Ақтауда өткен білім саласы қызметкерлерінің облыстық тамыз конференциясында мәлімдеді.

"Келесі жылы облыс ұшқышсыз таксилер іске қосуды жоспарлап отыр. Олар туристерді Ақтаудан облыстың басты көрікті жерлеріне жеткізу үшін пайдаланылады", — деді Нұрдәулет Қилыбай.

Басылым редакциясы Маңғыстау облысы әкімінің баспасөз қызметіне ұшқышсыз таксилер дегеннің нақты нені білдіретінін, оларды қашан іске қосу жоспарланып отырғанын және қалай қолданылатынын түсіндіруді сұрап, сауал жолдаған. Олар жобаға қатысты түсінік кейінірек берілетінін айтып, жауап берген.

Мәтіннен қате тапсаңыз, бізге жазыңыз