Қазіргі уақытта болған оқиғаның мән-жайы анықталып жатыр.
Петропавлдағы сауда-ойын-сауық орталықтарының бірінде 8 жасар бала эскалатордан құлап мертіксе, 5 жасар бүлдіршін тұрғын үйдің үшінші қабатынан құлап жарақаттанды, деп жазды inbusiness.kz сайты.
Әлеуметтік желіде баланың эскалатордан құлаған сәті жарияланды. Оның жанында ересектер болмаған.
Солтүстік Қазақстан облысы полиция департаменті баспасөз қызметінің мәліметінше, оқиға 27 тамыз күні болған, бала түрлі дене жарақатын алды.
Қазіргі уақытта болған оқиғаның мән-жайы анықталып, сауда-ойын-сауық орталығындағы қауіпсіздік шаралары зерттеліп жатыр. Тексеру нәтижелері бойынша процессуалдық шешім қабылданып, алдын алу шаралары жүргізіледі.
Кәмелетке толмаған баланың қауіпсіздігін тиісті деңгейде қамтамасыз етпегені үшін ата-ананы жауапкершілікке тартылады.
Полицейлер сондай-ақ жоғары қабаттан құлаған балаға қатысты тексеруді бастады.
