Бұл туралы Жетісу облысының табиғатты қорғау прокуратурасы хабарлады.

Прокурорлар Еуропаға заңсыз балық өнімдерін экспорттау деректерін анықтап, мемлекетке келген залалдың 80 миллиард теңгеден асқанын мәлімдеді, деп жазады inbusiness.kz сайты.

Тексеру барысында балық шаруашылығы субъектілері 20-дан астам еншілес компания құрып, олар арқылы өнімді заңсыз шетелге шығарғаны белгілі болды.

Бұл компанияларда су қоймалары да, балық аулауға берілген квота да, экспортқа рұқсат та болмаған.

Мәселен, аулауға 270 тонна лимиті бар серіктестік іс жүзінде 4920 тонна балық экспорттаған. Оның 2096 тоннасы еншілес компаниялар арқылы өткізілген. Уәкілетті органның дерегінше, барлығы төрт негізгі кәсіпорын мен олардың құрылымдары осындай заңбұзушылыққа жол берген.

Аталған дерек бойынша Қылмыстық кодекстің 234-бабы (экономикалық контрабанда) аясында сотқа дейінгі тергеп-тексеру басталды.