Қайғылы оқиға 10 тамызда Ақтөбе қаласының Алматы ауданына қарасты Ясное-2 тұрғын алабында болды.

2020 және 2022 жылы туған балаларды іздеуге облыстық төтенше жағдайлар департаментінің күштері жұмылдырылды, деп жазады inbusiness.kz сайты.

Облыстық ТЖД-нің жедел-құтқару жасағы олардың денесін шомылуға тыйым салынған аймақтан, жағадан шамамен 2 метр қашықтықта және 3 метр тереңдіктен тапты.

Құтқарушылар ата-аналар мен ересектерге су айдындарында балалардың қауіпсіздігіне ерекше назар аударуды ескертеді.

"Баланы аз уақытқа қараусыз қалдыру орны толмас қайғыға әкелуі мүмкін. Шомылу тек құтқарушылар кезекшілік ететін, арнайы жабдықталған орындарда болуы тиіс", – деді облыстық ТЖД баспасөз қызметі.