Камчаткада тағы да жер сілкінісі болды, бұл жолы оның шығыс жағалауында дүмпу сезілді, — деп хабарлайды Massaget.kz тілшісі.

Бүгін, 10 тамызда, жерасты дүмпулерінің магнитудасы 5,3 болды.

Зілзала Петропавл-Камчатский қаласынан (Ресей) оңтүстікке қарай 218 шақырым жерде, халқы 187 мың, және Озерновский елді мекенінен шығыс-оңтүстік-шығысқа қарай 78 шақырым қашықта (халқы – 2,6 мың) тіркелді.

Еске салайық, 1952 жылдан бергі ең күшті жер сілкінісінен кейін Камчатканың оңтүстік бөлігі шамамен 2 метрге жылжығаны анықталған еді.

Бұған дейін, 30 шілдеде, Камчаткада магнитудасы 8,8 балдық жер сілкінісі болған.

Сол зілзаладан кейін Камчаткада цунами болып, Ключевская Сопка жанартауы атқылай бастаған. Сондай-ақ, кейінгі рет шамамен 500 жыл бұрын атқылаған Крашенинников жанартауы да оянған.

Ол кезде Сахалин облысында төрт толқындық цунами болды. Жапония, Гавай аралдары, Чили, Эквадор, Перу, Мексика және Қытайда да цунами қаупі жарияланған. Жер сілкінісінен кейінгі афтершоктар шамамен бір айға дейін жалғасуы мүмкін.

Өзекті жаңалықтарды өз уақытында оқу үшін Facebook парақшамызға жазылыңыз!