Сот оған 117 960 теңге айыппұл салды.

Самар ауданында жер қатынастары бөлімінің басшысы аудан әкімі аппаратының ресми сайтында бос жер туралы расталмаған мәлімет жариялағаны үшін әкімшілік жауапқа тартылды, деп хабарлайды inbusiness.kz сайты.

Прокуратура тексеріс барысында сайтта бос шабындық 180,34 га, жайылым 30,62 га деп көрсетілсе, "Азаматтарға арналған үкімет" ШҚО филиалының дерегі бойынша сұралған учаскеде шабындық 193,4 га, жайылым 30,0 га болғанын анықтады.

Осы факті бойынша ӘҚБтК-нің 456-2-бабы 1-бөлігімен (мемлекеттік органның жалған ақпарат таратуы) іс қозғалды. 2025 жылғы 25 маусымда Самар ауданы соты бөлім басшысын кінәлі деп танып, айыппұл тағайындады.

Прокуратураның мәліметінше, бұл – республикада мемлекеттік органның интернет-ресурсында жалған ақпарат орналастырғаны үшін лауазымды тұлғаны дәл осы баппен жауапқа тартудың әзірге жалғыз фактісі.